Serokwezîr û Mistefa Kazimî pêşhatên dawî yên Iraqê gotûbêj kirin
Serokwezîr Mesrûr Barzanî pêşwazî li Serokwezîrê berê yê Iraqê Mistefa Kazimî kir. Di hevdîtinê de pêşhatên dawî yên siyasî û ewlehiyê yên li Iraq û herêmê hatin nirxandin.
RûpelNews - Nivîsgeha Serokwezîriyê di daxuyaniyekê de diyar kir ku di civînê de bi berfirehî behsa rewşa giştî ya welat û peywendiyên navbera Herêma Kurdistanê û Hikûmeta Federal a li Bexdayê hat kirin. Her du aliyan tekezî li ser xurtkirina koordînasyonê kirin da ku rûbirûyê kêşe û astengiyên niha bibin.
Encamên serdana Bexdayê û çareseriyên destûrî
Di beşeke din a civînê de, encamên serdana dawî ya Mesrûr Barzanî bo paytext Bexdayê û hevdîtinên wî yên bi berpirsên pilebilind ên federal û serkirdeyên siyasî re hatin gotûbêjkirin.
Barzanî û Kazimî giringiya berdewamiya diyalogan nîşan dan da ku ji bo hemû kêşeyên di navbera Hewlêr û Bexdayê de çareseriyên bingehîn û giştî werin dîtin. Hat destnîşankirin ku divê ev çareserî di çarçoveya Destûra Iraqê de bin û mafên destûrî yên hemû pêkhateyan werin parastin.
