Serokwezîr Mesrûr Barzanî, derbarê mûçeyan de axivî
Serokwezîrê Herêma Kurdistanê Mesrûr Barzanî, piştî civînên xwe yên li Bexda ya paytexta Iraqê, di daxuyaniyeke rojnamevanî de ragihand, li ser mijarên nakok, bi taybetî li ser mafên destûrî û mûçeyan, têgihiştineke erênî di navbera Hewlêr û Bexdayê de heye.
RûpelNews - Serokwezîr Mesrûr Barzanî, ku bi serdaneke fermî ya du rojan li Bexdayê ye, diyar kir ku civînên wî yên li gel Serokwezîrê Iraqê û Serokê Parlamenê di atmosfereke baş de derbas bûne.
"Me gelek mijarên girêdayî mafên destûrî gotûbêjkirin."
Serokwezîr Mesrûr Barzanî destnîşan kir: "Me li ser gelek mijarên girêdayî mafên destûrî yên Herêma Kurdistanê gotûbêjên berbiçav kirin. Heya niha têgihiştineke baş li ser van babetan heye û em ê di qonaxa bê de bi aliyên siyasî re jî nîqaşên hûrî bikin."
Babata mûçeyan
Barzanî bal kişand ser mafên mûçexuran û got: "Aliyên li Bexdayê jî di wê nêrînê de ne ku nabe babeta mûçeyan bi mijarên din ên siyasî û teknîkî re were têkelkirin. Divê daxwaz û mafên mûçexurên Herêma Kurdistanê mîna hemû xelkê din ê Iraqê werin dabînkirin û tu cudahî neyê kirin."
