Serokê PDK-Tê Sehîd Faîk Bucak tê bibîranîn

PeyamaKurd - Serokê Giştî yê Partiya Demokrat a Kurdistanê – Tirkiye Faîk Bucak, di 5ê Tîrmeha 1966an de di encama sûîqesd û planek gemarî de hate şehîdkirin. Di 52emîn sala bibîranîna Faîk Bucak de, rêxistin û partiyên Kurdistanî peyamên bibîranînê weşandin.

Peyama Partiya Azadiya Kurdistanê (PAK)

Em welatperwerê Kurd Faîk Bûcak bi rêz û hurmet bi bîr tînin.

Sekreterê Giştî yê PDK-Tyê, welatperwerê Kurd , rêberekî dilsoz û kedkarê doza azadîyê Faîk Bûcak, 52 sal berê, di roja 05.07.1966an de ji alîyê hêzên tarî yên dijminên azadîya Kurdistanê ve bi êrîşeke çekdarî hete şehîd kirin.

Em di têkoşîna azadî û serxwebûna Kurdistanê de rehmetî Faîk Bûcak û hemû şehîdên Kurdistanê bi rêz û hurmet bi bîr tînin.