Serokê Amerîkayê Biden bi telefonê bi Netanyahu re axivî

PeyamaKurd – Serokê Amerîkayê Joe Biden di pêwendiya xwe ya telefonî de ligel Serokwezîrê Îsraîlê Benjamin Netanyahu diyar kir ku nabe Îsraîl bêyî planeke pêbawer ji bo dabînkirina ewlekariya sivîlan êrîşî bajarê Refahê bike.

Li gorî daxuyaniya Qesra Spî, Biden bi Netanyahu re bi telefonê axivî.

Di hevdîtinê de, herdu aliyan danûstandinên derbarê pevguhertina rehîneyan de gotûbêj kirin û Biden diyar kir ku ew ê bixebitin ku di zûtirîn demê de hemû girtiyan azad bikin.

Biden diyar kir ku divê Îsraîl bêyî planeke pêbawer û pêkan ji bo ewlekariya sivîlan êrîşî bajarê Refahê neke.