Serok Barzanî û Xemis Xancar rêkeftina bi hikûmeta Iraqê re gotûbêj kirin

PeyamaKurd - Serok Mesûd Barzanî, pêşwazî li Serokê Hevpeymaniya Siyade Xemîs Xancar û şanda pê re kir.

Hat ragihandin ku di civînê de rewşa siyasî ya Iraqê û pêngavên cîbicîkirina rêkeftina siyasî ya di navbera aliyên pêkhênerên Hevpeymaniya Rêveberiya Dewletê û piştevaniya hikûmeta Iraqê ji bo bicihkirina rêkeftina ligel hikûmeta Sûdanî hate gotûbêj kirin.

Herwiha di civînê de, pêwendiyên di navbera Herêma Kurdistanê û Hikûmeta Federalî û pêbendbûna bi prensîbên hevbeş û hevahengiyê di navbera aliyan de, hate behs kirin.