Sererkanê Îranê gefa lêdana hêzên Amerîkî yên li Herêma Kurdistanê xwar!

PeyamaKurd - Serfermandarê artêşa Îranê General Mihemed Bakirî, gef li Amerîkayê xwar û got ku heger Amerîka hewl bide dronên wan li nav Herêma Kurdistanê bide, ew ê bersiveke tund bidin.

Baqirî ji ajansa IRNA re daye xuyakirin ku hêzên Amerîkî rojek berê balafireke bêmirov a Îranê ya ku diçû ser Hewlêrê xistine û gefa bersivdanê xwar.

Herwiha Baqirî gotiye ku bi hûrgilî zanyariyan wan li ser binkeyên leşkerî yên Amerîkayê yên li Hewlêr, Herîr û Duhokê hene û heger Amerîka hewl bide dronên Îranê bixe xwar, ew dê bi tundî bersivê bidin.

Supaya Pasdarên Îranê roja 28ê Îlonê, bi hejmarek zêde dronên bombekirî û moşekên balîstîk êrîşî binke û wargehên partiyên partiyên Rojhilatê Kurdistanê yên li Herêma Kurdistanê kiribû ku zarok û jinên sivîl jî di nav de bi kêmî 15 kes şehîd bûbûn û bi dehan kes jî birîndar bûbûn.

Piştî wê êrîşê CENTCOMê jî ragihandibû ku wan droneke Îranê ya ber bi Hewlêrê dihat xistiye xwar.