Saxewan Ebdullah: Lihevkirina me ya bi Bexdayê re nayê wateya ku wê werin û axa me dagîr bikin

PeyamaKurd – Alîkarê Serokê Parlamentoya Iraqê Şaxewan Ebdullah jî got, lihevkirina li gel Bexdayê nayê wê wateyê ku wê axa me dagîr bikin û em jî bêdeng bimînin.

Şaxewan Ebdullah diyar kir, “Ji ber ku em li gel Bexdayê di rewşeke baş de ne, nayê wê wateyê ku em ê li hember dagirkerî û rewşên ku dibin hedefa êrîşên li ser cotkarên Kurd bêdeng bimînin. Parêzgarê Kerkûkê Rakan Cibûrî ku di encama ferzkirinê de hatiye erkdarkirin, kesekî gendel e û her dem hewl dide li Kerkûkê de polarîzmê çêbike. Li ser biryara Rakan Cibûrî, biryara rawestandina îdamê li Bexdayê hatiye dayîn, armanca wê ew e ku Kurdan ji malên wan derbixe û erebên ji derve li şûna wan bi cih bike."

Ebdullah eşkere kir, kêşeyên gundê Pelkane yê Kerkûkê hatine çareserkirin, lê çareserî demkî ye û heta hilweşandina biryarê biryar wê derbasdar be.

Ebdullah da zanîn, piştî bûyerên 16ê Cotmeha 2017an pirsgirêka niştecihkirina Erebên îthalkirî li herêmê destpê kir û di rojên derbasbûyî de jî berdewam e û got, "Ji ber wê jî divê em her dem hişyar bin, da ku zevî û zeviyên welatiyên Kurd neyên desteserkirin."

Şaxewan Ebdullah diyar kir, hesasiyeta Serok Barzanî ya li ser axê berdewam e û wî peyama Serokwezîrê berê yê Iraqê Adil Ebdulmehdî ragihand, dest danîne ser mal û milkên welatiyên Kurd.

Em her tim hesas in

Ebdullah derbarê Herêma Kurdistanê û hevtêgihîştina Iraqê de jî got: “Me li hev kir, lihevhatinek hevbeş heye, lê ev nayê wê wateyê ku wê werin û axa me dagîr bikin û em li hember wê yekê bêdeng bin. Em her tim li ser mafên welatiyên xwe hestiyar in."

Ebdullah bal kişand ku ew bi Serokwezîrê Iraqê Mihemed Şîa Sûdanî re hevdîtin pêk anîne û got, "Wî soz da ku pirsgirêkên li Pelkanê di demeke herî kurt de bên çareserkirin û got, destûr nayê dayîn ku zevî û malên cotkarên Kurd bên desteserkirin."

Tê payîn ku ji nû ve destpê bike

Şaxewan Ebdullah derbarê şandina petrola Herêma Kurdistanê bo Bendera Ceyhanê de ev daxuyanî da:

“Iraqê mijarên ku ji aliyê Tirkiyê ve hatine ragihandin qebûl kiriye û pêk aniye. Biryara ji nû ve destpêkirina sewqiyata petrolê hat dayîn. Destpênekişandina şandinê ziyaneke mezin gihandiye hikûmeta Iraqê, ji ber ku di şandina mafên darayî yên Herêma Kurdistanê de dikeve valahiya qanûnî.

Pirsgirêk çareser kirin, tenê prosedurên barkirinê mane. Biryar hat girtin û mijarên teknîkî jî temam bûn. Tê pêşbînîkirin ku piştî cejnê hinartina petrola Herêma Kurdistanê ji nû ve destpê bike.”