Sandên PDK û YNKê ji bo hilbijartinên parêzgehan dicivin

PeyamaKurd – Hat ragihandin ku îro Yekşemê 9ê Tîrmehê şandên polîtburoyên Partiya Demokrat a Kurdistanê (PDK) û Yekîtiya Niştimanî ya Kurdistanî (YNK) li ser mijara hilbijartinên Parlamentoya Kurdistanê û encûmenên parêzgehan dicivin.

Hate zanîn ku îro şandeke Polîtburoya YNKê serdana Polîtburoya PDKê dike û dê herdu alî li ser pirsa hilbijartinên parlamentoya Kurdistanê û encûmenên parêzgehan gotûbêjan bikin.

Hêjayî bibîrxistinê ye, 16ê Gulana borî jî PDK û YNK li bajarê Silêmaniyê civiyabûn û ragihandibûn; “Piştî destpêşxeriya cenabê kak Mesûd Barzanî ku roja 11.05.2023an di merasîma vekirina Yadgeha Niştimanî ya Barzanî de pêşkêş kir, herdu polîtboruyên YNK û PDKê li bajarê Silêmaniyê civiyan û li ser wê yekê rêkeftin ku ligel aliyên din gavên pratîkî bavêjin.”

26ê Hezîrana 2023yan jî li baregeha Polîtboruya YNKê li Hewlêrê civîneke di navbera herdu aliyan hatibû kirin.