Rûsya û Tirkiyê bi çavderiya 2 helîkopteran dewriye gerand

PeyamaKurd – Hat ragihandin ku îro dewriyeyeke din a hevbeş ya polîsên leşkerî yên Rûsya û artêşa Tirkiyê li gundewarê navçeya Dirbêsiyê dest pê kiriye.

Li gorî zanyariyên çavkaniyên herêmê, dewriyeya Rûs-Tirk ji gundê Eradî yê 17 km dikeve rojavayê navçeya Dirbêsiyê dest pêkiriye û dewriye ber bi rojava ve çû û herwiha di gundên Aliya û Torat de jî geriya.

Dewriya hevbeş a Rûs-Tirk ku ber bi gundê Tirbê ve çûye, bi 2 helîkopterên şer jî çavderiya wê tê kirin.

Dewriyeyên beriya niha yên Rûs-Tirk ên li nav Rojavayê Kurdistanê, ji aliyê xelkê deverê ve rastî nerazîbûn û protestoyan hatibûn û di aloziyên derketibûn de hin sivîlan can dabû û hejmarek jî birîndar bûbûn.