Rojhilat | Di asta Îranê de bêkariya herî zêde li Sine ye

PeyamaKurd – Li gorî amarên bêkariyê yên di asta Îranê de, hatine belavkirin, parêzgeha Sinê ya Rojhilatê Kurdistanê di rewşa herî xirab de ye û rêjeya bêkariyê jî li seranserê Îranê herî zêde li Sine ye.

Navenda Amaran a Îranê di rapora xwe ya rewşa bêkariyê de eşkere kir, li piraniya parêzgehên Îranê nirxa betaliyê nîvinciya %8.2 bûye, lê parêzgeha Sinê li Rojhilatê Kurdistanê %13.8 e.

Li gorî vê amarê asta bêkariyê li parêzgeha Sinê li gorî tevahiya Îranê ji sedî 5.6 zêdetir e.

Herwiha bêkariya ciwanan li tev Îranê %19.2 e û li Parêzgeha Sinê jî ji sedî 42.1 hatiye tomarkirin.