Rojava | Bihayê genimê cotkaran li gor Dolarê Amerîkî hat zêdekirin

PeyamaKurd – Ev demek e cotkarên Rojavayê Kurdistanê ji ber kêmbûna bihayê genim ku rêveberiya Şamê û ya Rojava bihayên cuda ji bo kirînê diyar kiribûn, gazin dikirin.

Hat ragihandin Rêveberiya Xweser bihayê kîloya genim li gorî bilindbûna dolar wê zêde bike û nehêle cotkar mexdûr bibin.

Li gorî zanyariyan wê Rêveberiya Xweser bihayê genim bi pereyên Sûrî destnîşan neke û li gorî bilindbûna dolarê Amerîkî mafê cotkaran bide.

Rêveberiya Xweser a Rojava herî dawî ji bo kîloyek genim 315 Lîreyê Sûrî diyar kiribû û ragihandibû ku wê genim ji herêmên Rêveberiya Xweser dernekeve.

Cotkaran ew biha kêm dîtibû û gotibû mesrefên wan xilas nake.