Rêveberiya Rojava genimê cotkaran bi dolar dikire: Li gorî par 12 sent hate kêmkirin

PeyamaKurd - Rêveberiya Xweser a li Rojavayê Kurdistanê nirxê kirîna kîloya genim ji cotkaran eşkere kir.

Hevserokatiya Desteya Çandinî û avdanê ya Rêveberiya Xweser, îro 26ê Gulanê biryar da kîloya genim bi 31 centan ji cotkaran bikire.

Balkêş e ku nirxê genim li gorî 31 sentên Amerîkî hatiye destnîşan kirin.

Rêveberiya Xweser sala borî nirxê kîloya genim 43 sent diyar kiribû, ev nirx jî bi 12 sentan ji yê sala borî kêmtir e.

Werzê dirûna genim çend roj in li Rojavayê Kurdistanê dest pê kiriye û cotkar bi hêvî bûn ku îsal nirxê genim bi awayekî guncayî û ji sala borî zêdetir bê diyarkirin, ji ber ku îsal lêçûna çandina genim zêdetir bû.