Parlamentoya Iraqê bi besdariya nûnerê NYê ve dicive!

PeyamaKurd- Îro  Çarşemê13.11.2019ê Parlamentoya Iraqê dicive û nûnerê Neteweyên Yekbûyî (NY) ya li Iraqê jî beşdarî civîna parlamentoyê dibe.

Biryar e îro Parlamentoya Iraqê bicive û civîneke taybet li ser guftûgoya bernameya çaksaziya hikûmetê û guftûgo derbarê çend projeyasayek de were kirin.

Di civîna parlamentoyê de pirsa daxwazên xwepêşanderan û êrîşkirina ser xwepêşanderan jî dê bê guftûgo kirin.

Herwiha di civîna îro de nûnera Neteweyên Yekbûyî (NY) li Iraqê Jeanine Hennis-Plasschaert jî beşdar dibe.

Berî naha UNAMI li Iraqê projeyek bo çareseriya pirsgirêkên li Iraqê, ku peyvendiya xwe bi daxwazên xwepêşanderan ve heye pêşkeşî encûmena nûnerên Iraqê û aliyên siyasî kiribû.