Parêzgariya Wanê berî bidawîbûna qedexeyê dîsa qedexe ragihand

PeyamaKurd - Parêzgariya bajarê Wanê yê Bakurê Kurdistanê ji bo 15 rojan meş û xwepêşandanên li qadên vekirî, civînên qada vekirî, daxuyaniyên çapemeniyê, çalakiya rûniştinê, vekirina standan û her cûre çalakî û şahî qedexe kirin.

Beriya qedexeya ku dema wê diyarkirî ya berê hatiye ragihandin bidawî bibe, îro car din qedexe li Wanê hat ragihandin.

Bi biryarên parêzgariya Wanê, ji hezar rojî zêdetir ango zêdetirî sê salin qedexe berdewam dikin.

Parêzgariya Wanê di daxuyaniya xwe ya herî dawî de,ragihand ku roja 26ê îlonê qedexe dest pê bike û heta roja 10ê cotmehê wê dewam bike.