Parêzgariya Bedlîsê qedexeya 15 rojan rakir!

PeyamaKurd — Parêzgariya Bedlîsê ragihand ku qedexeya 15 rojan a li ser civîn û xwepêşandan, civînên li hundir û derve û çalakiyên protestoyî hat rakirin.

Di daxuyaniya Parêzgariyê de hat diyarkirin ku biryara qedexeya 15 rojan a ku di 3yê Nîsanê de hatibû dayîn ji îro pê ve hatiye betalkirin.

Di daxuyaniyê de ev tişt hatin destnîşankirin:

"Ji bo pêşîgirtina li kiryar û êrîşên têkildarî bûyer û geşedanên ku di rojeva welêt de cih digirin, ji bo ewlekariya can û malê welatiyên me, ji holê rakirina planên rêxistinên terorê, di vê çarçoveyê de ji bo ewlekariya neteweyî, parastina nîzama giştî û tenduristiya giştî, ji bo pêşîlêgirtina tawanan, ji bo parastina maf û azadiyên bingehîn. Biryara qedexeya ku di nav sînorên Bedlîsê de ji bo 15 rojan hatibû girtin, ji 3ê Nîsanê saet 00.01 heta 17ê Nîsanê saet 23.59an hat betalkirin."