Li Batmanê biryara qedexeya 8 rojan hat dayîn

PeyamaKurd – Parêzgariya Batmanê ragihand ku çalakî û çalakiyên wekî civîn û xwepêşandan, mîtîng, vekirina kon, vekirina standan, daliqandina poster û pankartên ku tê plankirin di navbera 9-16ê Sibatê de li bajêr bên lidarxistin, hatine qedexekirin.

Di daxuyanîya ku ji aliyê Parêzgariya Batmanê ve hat dayîn de hat diyarkirin ku li bajêr "çalakiyên ku wê di navbera 9-16ê Sibatê de bên lidarxistin qedexe ne."

Li Tirkiyeyê Partiya DEMê, Partiya Herêmên Demokratîk (DBP) û gelek sazî û rêxistinên sivîl ji bo balê bikişînin ser rewşa Rêberê PKKê Abdullah Ocalan li bajarên herêmê dimeşin.

Ji ber meşê li gelek bajaran biryarên qedexeyê hatin girtin.