Nûnerê Îbadî: Berî Newrozê xeberên xwes hene

PeyamaKurd -  Sekreterê Serokwezîriya Iraqê Mehdî Ellaq, ragihand ku berî Newrozê dê xeberên xweş bidin xelkê Kurdistanê.

Mehdî Ellaqê ku wek nûnerê Serokwezîrê Iraqê Heyder Îbadî beşdarî bîranîna 30emîn salvegera komkujiya Helebceyê bû, diyar kir ku dê berî Newrozê xeberên xweş bidin.

Ellaq, silavên Îbadî bo xelkê Helebceyê ragihandin û anî ziman ku peywendiyên Hewlêr û Bexdayê ber bi başiyê ve diçin. Herwiha got komkujiya Helebceyê tu carî nayê jibîrkirin.

Ew wiha axivî: "Serokwezîr Îbadî, ji bo çareserkirina pirsgirêkan biryarên pêwîst dane. Heta Newrozê dê ji bo çareseriya problemên Hewlêr û Bexdayê xeberên xweştir hebin."