Erdogan li hemberî pîrozbahiyên Newrozê bertek nîşan da
Di daxuyaniyekê de derbarê pîrozbahiyên Newrozê yên li Amed, Stenbol û gelek deverên din de, Erdogan got, "Kesên bêrûmet dê bersiva pêwîst bistînin."
RûpelNews - Serokkomarê Tirkiyê û Serokê AK Partiyê Recep Tayyip Erdogan derbarê pîrozbahiyên Newrozê yên li gelek bajaran, bi taybetî li Amed û Stenbolê, hatine lidarxistin, daxuyaniyek da.
Erdogan bertek nîşan da û îdia kir ku di dema pîrozbahiyan de provokasyonên ku armanca wan têkbirina pêvajoya aştiyê bû, çêbûne.
Erdogan pîrozbahiyên Newrozê bi hedefgirtina hesasiyetên civakî tawanbar kir û diyar kir ku li dijî hewldanên wiha tedbîrên pêwîst têne girtin.
Erdogan got, "Em ê rê nedin ti provokasyonê ku siya xwe li ser nirxên ku Newroz temsîl dike diavêje", û teqez kir ku kesên ku li dijî pêvajoya aştiyê tehrîk dikin dê bersiva pêwîst bistînin.
