Nûnerê NY: Em pêsbînî nakin Amerîka ji Sûriyê vekise

PeyamaKurd - Cigîrê Nûnera Amerîka ya li Neteweyên Yekbûyî (NY) Robert Wood, li ser şer û pevçûnên berdewan di navbera Tirkiye û Hêzên Sûriya Demokratîk (HSD) de û egera vekişîna Amerîkayê ji herêmê daxuyanî dan.

Robert Wood ji Rûdawê re daye xuyakirin: “Em tenê difikirin ku divê niha alozî li Sûriyeyê were kêmkirin. Bê guman ev demeke pir hestiyar e û divê hemî alî hewl bidin ku her tiştê ku ji destê wan tê bikin ji bo kêmkirina pevçûnan û kêmkirina aloziyan. Û ev tişta ku gelê Sûriyeyê dixwaze pêk were ev e. Wan nedixwest ku bibînin ew ji hêla rejîmê ve rehîn werin girtin û li welêt bêhtir şer bibînin. Ji ber vê yekê ya ku em dixwazin niha vê bibînin.”

Li ser îhtimala ku Tirkiye dest bi operasyona ser Rojavayê Kurdistanê bike nûnerê Amerîkayê da zanîn, “Em li ser vê yekê spekulasyonan nekin. Em tenê bibînin ka çi dibe. Lê dîsa, em dixebitin ku pevçûnan rawestinin, aloziyan kêm bikin, ji ber ku gelê Sûriyeyê  niha evî dixwaze, hewce dike û hêvî dike ku ev bibe. Ji ber vê yekê em ji bo van armancan bixebitin. Ya ku em ê berdewam bikin ev e."

Herwiha Robert Wood li ser mayîna hebûna hêzên Amerîkî li Sûriyê jî diyar kir: “Ez vê gavê nabînim ku vekişandin hebe. Erê, divê em piştrast bin ku DAIŞ ji nû ve venegere û ji ber vê yekê em dê şerê li hemberî wan bidomînin, li gel hevkarên din, ji ber ku girîng e ku rê neyê dayîn ku DAIŞ xwe ji nû ve ava bike û terorê li seranserê cîhanê pêk bîne û Rojhilata Navîn.”

Li aliyê din Reveberê Ofîsa Kar û Barên Alîkariyê yê NYyê Tom Fletcher jî da zanîn, pevçûnên li Rojavayê Kurdistanê alîkariyên mirovatiyê asteng dikin û divê bi awayekî lezgîn bala xwe bidin ser van pevçûnan û werin rawestandin.