''Niha pêwîstiya Kurdan ew e, nav mala xwe rêk bixin û hewl bidin nêzî hev bibin''

PeyamaKurd – Di daxuyaniyekê de, Sekreterê Giştî yê Partiya Sosyalîst Demokrat a Kurdistanê Mihemed Hacî Mehmûd, tekezî li girîngiya yekbûna aliyên siyasî yên Herêma Kurdistanê kir û diyar kir: “Eger nav mala Kurdan were rêkxistin û dahata navxwe bi temamî were komkirin, ev dê bibe tiştê herî baş a Kurd encam bidin.”

Mihemed Hacî Mehmûd da zanîn, niha pêwîstiya Kurdan ew e, nav mala xwe rêk bixin û hewl bidin nêzî hev bibin.

Mihemed Hacî Mehmûd derbarê kêşeyên navbera Herêma Kurdistanê û Iraqê de jî destnîşan kir û got: “Iraq bi xwe rewşa wê ji ya me xerabtir e û ti car li hev nakin. Her rêkeftinek jî eger were kirin, temenê wê kurt e û tenê heta şeş mehan an salekê ye.”