Nameya Amerîkayê ji Iraqê re!

PeyamaKurd – Wezareta Derve di daxuyaniya xwe ya doh Çarşemê 24ê Çileya 2024ê de ragihand ku wê derbarê naveroka nameya ku ji hikûmeta Iraqê re hatiye şandin, bicivin û piştî civînê aliyên pêwendîdar wê gavên pêwîst bavêjin.

Hat zanîn ku Balyoza Amerîkayê ya li Bexdayê Alina Romanowski îro di hevdîtina xwe ya li gel Cîgirê Serokwezîrê Iraqê û Wezîrê Derve yê Iraqê Fuad Husên de nameya mijara gotinê pêşkêş kiriye.

Di saetên sibeha 24ê Çileyê de, hêzên Amerîkayê 3 baregehên ku tê îdiakirin ku Ketaib Hizbullah û komên din ên çekdar ên Îranê li Iraqê bikar tînin, bi êrîşên esmanî kirin armanc.

Fermandarîya Navendî ya Amerîkî got ku ew êrîş bersiveke rasterast e li ser rêze êrîşên hêzên Îranî yên piştgirîya wan li dijî hêzên Amerîkî û Hevpeymaniya Navdewletî li Iraq û Sûriyê.

Hat ragihandin ku di êrîşên hewayî de qadên perwerdehiya komên çekdar ên moşek û pêgerên hewayî yên bê mirov (ÎHA) hatine bombekirin.