Mûsil | Di operasyona hêzên Iraqî de 6 DAISî hatin kustin

PeyamaKurd – Hat ragihandin ku li başurê Mûsilê di encama operasyona hêzên Iraqî de, 6 çekdarên DAIŞê hatin kuştin.

Li gorî daxuyaniya hêzên Heşda Şeibî yên bi ser artêşa Iraqê ve, Artêşa Iraqê li ser hewla êrîşeke çekdarên DAIŞê li başûrê Mûsilê dest bi operasyonê kiriye û di encama bombebaranê de 6 çekdarên DAIŞê hatine kuştin.

Heşda Şeibî beriya niha jî ragihandibû ku ew rûbirûyî êrîşeke çekdarên DAIŞê li ser qezaya Hezer a li başûrê Mûsilê bûne û Wezareta Navxwe ya Iraqê jî ragihand ku 4 çekdarên DAIŞê hatine desteserkirin.