Mesrûr Barzanî: Hewlêr bi berdewamî îlhamê dide cîhanê

PeyamaKurd – Serokwezîrê Herêma Kurdistanê Mesrûr Barzanî diyar kir ku paytext, Hewler, bi pêşketin, çand û dîroka xwe bi berdewamî îlhamê dide cîhanê.

Serokwezîr Barzanî di postekê de ku roja Sêşemê, 18ê Mijdara 2025an li ser Xê hatiye parvekirin, li ser tevlîkirina Hewlerê di lîsteya kovara geştê ya navdar Condé Nast Traveler a cihên herî baş ji bo geştê li Asyayê di sala 2026an de şîrove kir.

Serokwezîr got, "Hewler, paytexta Herêma Kurdistanê, bi berdewamî îlhamê dide cîhanê," û wiha lê zêde kir:

"Destnîşankirina Hewlerê wekî yek ji cihên herî baş ji bo serdanê li Asyayê di sala 2026an de şahidiya mêvanperwerî, germî û dîroka wê ya bi hezaran salan e."