Mesrûr Barzanî besdarî çalakiya hevpar a ligel Parlamentoya Brîtanyayê dibe

PeyamaKurd - Di bîranîna 30 saliya biryara 688an ya Encûmena Asayişa Navdewletî ya Neteweyên Yekbûyî (NY) ya diyarkirina herêma dijî firînê li Herêma Kurdistanê de, bi hevkariya rayedarên berê û niha yên Hikûmeta Brîtaniyayê û koma Kurdistanê li Parlementoya Brîtanyayê, çalakiyeke taybet bi rêya vîdyokonferansê ji aliyê Hikûmeta Herêma Kurdistanê ve tê lidarxistin.

Çalakî roja 8ê Nîsanê li dar dikeve û tê de Serokwezîrê Herêma Kurdistanê Mesrûr Barzanî gotarekê bi rêya vîdyokonferansê pêşkêş dike. Piştre jî Sir John Major, serokwezîrê berê yê Brîtanyayê û dostê gelê kurd û her wiha yek ji wan siyasetmedarên ku di diyarkirina Herêma Aramê de roleke girîng lîstiye jî, gotarekê pêşkêş bike.

Berpirsê Fermangeha Pêwendiyên Derve yên Hikûmeta Herêma Kurdistanê Sefîn Dizeyî û Wezîrê Çavdêriya Rewşa Korona li Brîtaniya Nedîm Zehawî ku bi xwe Kurd e, li gel Karwan Nûnerê Hikûmeta herêma Kurdistanê li Brîtaniya Cemal Tahir û Konsulê Giştî yê Brîtaniya yê li Herêma Kurdistanê James Thornton beşdariyê çalakiyê dibin.

Di çarçoveya wê çalakiyê de, biryar e endamên Perlemantoya Brîtaniyayê Robert Halfon, Alicia Kearns, Jason McCartney û Serokê Grûpa Kurdistanê li Parlementoya Brîtaniyayê Gary Kenet beşdarî vê çalakiyê bibin.

Wê ev çalakiya taybet li demjimêr 10:30 bi dema Londonê bi rêya vîdyokonferansekê were lidarxistin.