Macron bang li Yekîtiya Ewropa kir: Li dijî Tirkiyê yek helwest bin!

PeyamaKurd – Serokomarê Fransayê Emmanuel Macron, beriya civîna welatên Ewropa yên peravên wan li Derya Spî heye bang li Yekîtiya Ewropa kir ku bi awayekî hevpar û zelal li dijî Tirkiyê helwesteke hevbeş nîşan bidin û yek helwest bin.

Macron ji Yekîtiya Ewropayê (YE) re got, “Li hemberî Tirkiyê pêdiviya me bi dengekî hevbeş û zelal heye” û diyar kir, lê belê YE naxwaze rageşiyê bi Tirkiyê re zêde bike û destnîşan kir, “Divê Tirkiye niyeta xwe zelal bike.”

Di lutkeya Korsîkayê ya ku Fransa, Îtalya, Îspanya, Portekîz, Malta, Qibris û Yûnanistan beşdarî dikin de, wê geşedanên dawî yên li Rojhilatê Derya Spî werin gotûbêjkirin.