Li xwaringeheke Zaxoyê 185 kes ji ber xwarina gostê kevn jehrî bûn

PeyamaKurd – Li xwaringeheke Zaxoyê 185 kes ji ber xwarina goştê kevn jehrî bûn û xwediyê xwaringehê hat desteserkirin.

Li gor Qaymeqamiya Zaxoyê bi daxuyaniyekê diyar kir, ji ber cibicînekirina rênimayên tendirustiyê, do 185 kes ji ber xwarinekê jehrî bûn û serdana nexweşxaneya giştî ya Zaxoyê kirin.

Herwiha eşkere kir, piştî wergirtina çareseriyên bijîşkî, piraniya kesên ku jehrî bûne vegeriyan malê xwe û niha 35 kes ji wan di bin çavdêriya bijîşkî de ne.

Li gor zanyariyan, xwaringehekê xwarina ku dem bi ser çûye firotiye welatiyan û ev jî bû sedema jehrîbûna wan herwiha xwaringeha ku xwarina netendirust firotiye welatiyan, ji aliyê Qaymeqamiya Zaxo ve hat girtin û xwediyê wê jî hat desteserkirin.