Li Tirkiyê 45 koçberên neyasayî desteser kirin

PeyamaKurd – Fermandariya Ewlehiya Peravan a Muglayê li navçeya Bodrum a ser bi bajarê Muglayê yê Tirkiye, 45 koçberên neyasayî desteser kirin.

Fermandariya Ewlehiya Peravan a Muglayê eşkere kir, ew hatine agahdarkirin ku li navçeya Bodrumê di belemeke di nav deryayê de hejmareke koçber hatine ditîn û piştî agahdarkirinê tîmên wan çûne navçeyê û 28 koçberên di nav belemê de destser kirine.

Hat zanîn heman tîmê li devereke din a navçeya Bodrumê jî di nav deryayê de belemeke lastîkî ya koçberan dîtine û 17 koçberên di wê belemê de jî desteser kirine û piştî ku îfadeya wan hatiye girtin, ew şandine Navenda Koç û Koçberan a Muglayê.