Li Stenbolê bi çekan êrîsî dêrê kirin: Kesek hat kustin, birîndar hene

PeyamaKurd - Li Stenbolê li dijî dêra Santa Maria ya li navçeya Sariyerê êrîşeke çekdarî pêk hat.

Hate ragihandin ku di encama êrîşa bi çekan a îro danê nîvro hatiye kirin de, kesek hatiye kuştin û birîndar jî hene.

Li gorî zanyariyên destpêkê, dema merasîma olî ya roja Yekşemê êrîş li dijî cemaeta dêrê hatiye kirin.

Gelek tîmên polîs û ambulans çûne cihê bûyerê. Derbarê bûyerê de û nasnameya êrîşkar yan êrîşkaran de hîn daxuyaniyeke fermî nehatiye dayîn.