Li ser mala Rihannayê êrîşa çekdarî pêk hat
Li mala hûnermenda navdar a cîhanî Rihanna li Beverly Hills a li Kalîforniyayê gulebaranek pêk hat. Di bûyerê de kes birîndar nebû û gumanbar zû hate binçavkirin.
RûpelNews - Li gorî nûçeya NBC Newsê, êrîş li dora nîvro li malekê li Beverly Hills pêk hat. Karbidestên polîsan ragihandin ku gule li deverên cuda yên malê ketine.
Rayedaran diyar kirin ku Rihanna di dema êrîşê de li malê bû lê bê zirar filitî.
Êrîşkar bi wesayîtekê gihîşt cihê bûyerê, gule berda û dû re bi lez ji herêmê reviya. Polîsan gumanbar bi qasî 12 kîlometreyan dûrî wê girtin û ew binçav kirin.
Nasnameya gumanbar hîn ji raya giştî re nehatiye eşkerekirin.
