Li Sêrtê qezaya trafîkê: Mînîbûsa karkeran kete serampolê

PeyamaKurd – Li navçeya Şêrwanê ya Sêrtê, mînîbûsa ku karkerên madenê vediguhestin, ji ber windakirina kontrola dîreksiyonê wergeriya û kete şerampolê (newalekê). Di encama qezayê de 15 karker birîndar bûn.

Piştî agahdarkirina rayedaran, tîmên AFAD, UMKEyê, agirkujî, cendirme û tenduristiyê demildest sewqî cihê bûyerê hatin kirin. Tîmên rizgarkirinê karkerên ku di nav wesayîtê de asê mabûn derxistin.

Hat ragihandin ku rewşa 2 karkeran giran e. Hemû birîndar (15 kes) piştî mudaxeleyên ewil bi ambûlansan rakirin Nexweşxaneya Perwerde û Lêkolînê ya Sêrtê.

Der barê qezayê de lêpirsîn hat destpêkirin.