Li Rihayê kamyon û otomobîl li hev ketin: 3 kes mirin
Li navçeya Wêranşehir a Rihayê di qezayek trafîkê de sê kesan jiyana xwe ji dest dan, di encama qezayek trafîkê de kamyonek û otomobîlek li hev ketin.
RûpelNews - Bûyer li ser rêya sereke ya Wêranşehir-Rihayê qewimî. Li gorî agahiyên hatine bidestxistin, kamyonek û otomobîlek ku şofêrên wê hîn nehatine naskirin li hev ketine.
Kesên di otomobîlê de ji ber qezayê bi giranî birîndar bûn. Piştî agahdarkirinê, tîmên tenduristiyê, polîs û agirkujiyê sewqî cihê bûyerê kirin. Tîman piştî hewldanên dijwar birîndarên di wesayîtê de asê mabûn derxistin.
Di qezayê de R.B. (25) û T.K. (20) li cihê bûyerê mirin. Hat ragihandin ku birîndarek din ê ku navê wî nehat hînbûn, li nexweşxaneya ku lê hatibû rakirin mir. Hat hînbûn ku lêpirsîna li ser qezayê hatiye destpêkirin.
