Li Qamislo sivîl bûn hedefa topbaranê: Kustî û birîndar hene

PeyamaKurd – Hat ragihandin ku îro car din artêşa Tirkiyê navenda bajarê Qamişloyê topbaran kir û li gor çavkaniyên herêmê, di toprabarana îro de sivîlek hatiye kuştin 3 kes jî birîndar bûne.

Hat zanîn ku artêşa Tirkiyê îro taxa Zeytûne û gundê Sêgirka yên Qamişlo topbaran kirine û sivîlên birîndar bûne jî bo nexweşxaneyan hatine veguhestin.

Herwiha doh jî di encama topbarana Tirkiyê de, li Qamişlo sivîlekî bi navê Beşîra mihemed Kebûş hatibû kuştin û 7 kesên sivîl ên din jî birîndar bûbûn.

Li aliyê din Wezîrê Berevaniya Tirkiyê Hulusî Akar jî îro ziyanên sivîl li Qamişloyê red kirin û got ku ti hêzên wan li dorûbera Qamişloyê nînin.