Li navenda bazirganiyê agir derket: Herî kêm 14 kes mirin
Li bajarê Lucknow, li eyaleta Uttar Pradesh a Hindistanê, agir li navendeke bazirganî derket û bû sedema trajediyekê. Li gorî raporên destpêkê, herî kêm 14 kesan piraniya wan xwendekar jiyana xwe ji dest dane.
RûpelNews - Medyaya herêmî ragihand ku li qatên jorîn di avahiyê de dersên rahênanê û navendeke perwerdehiyê hebûn, li qatên jêrîn jî dikaneke heywanan û klînîkeke veterîneriyê hebû. Ji ber ku agir bi lez belav bû û dûmana qalind a avahiyê tijî kir, mirov di hundurê avahiyê de asê man.
Karbidestan diyar kirin ku hin kes neçar man ku ji pencereyên qata yekem bavêjin da ku ji agir birevin, û birîndar ji bo nexweşxaneyên nêzîk hatin veguhastin.
Tîmên lêgerîn û rizgarkirinê ji ber dûmana giran zehmetî ragihandin, di heman demê de agirkujan bi şikandina dîwarê paşîn mudaxele kirin da ku bigihîjin avahiyê.
Lêpirsînek ji bo diyarkirina sedema agir hatiye destpêkirin.
