Li Mûsilê 20 endamên ISÎDê hatin girtin!

PeyamaKurd- Hat ragihandin ku li Iraqê li başûrê Mûsilê hêzên ewlehiya Iraqê 20 endamên IŞÎDê girtine. Ji van endaman 5 jê pîrek in.

Di derbarê bûyerê de Serbazê Artêşa Iraqê Semîr Arif ji çapemeniya Kurdî re axivî û got ku li başûrê Mûsilê li gundê El Hacê, 5 jê pîrek tevde 20 endamên IŞÎDê hatin girtin.

Semîr Arif got ku endamên IŞÎDê teslîmî Fermandariya Operayonên Mûsilê kirine û di heqê wan de lêpirsîn hatiye destpêkirin.

Bajarê Mûsilê di 2014an de ji aliyê IŞÎDê ve hatibû vegirtin û di sala 2017an de ji IŞÎDê hatibû azadkirin.