Cîhan

Li Kazaxistanê balafireke rêwiyan ket: Bi kêmanî 14 kes mirin

27 berfanbar 2019 14:03
Li Kazaxistanê balafireke rêwiyan ket: Bi kêmanî 14 kes mirin

PeyamaKurd - Li Kazaxistanê balafireke rêwiyan ket. Di balafira Almati-Astanayê de 95 rêwî û 5 murettebat hebûn. Li gorî zanyariyên destpêkê di qezayê de 14 kes mirin û 30 kes jî birîndar bûn.

Komîteya Rewşên Lezgîn a Kazaxistanê ragihand ku, di balafira Almati-Astanayê de 95 rêwî û 5 muretebat hebûn û di dema destpêkê de ketiye. Di daxuyaniyê de hatiye gotin ku derbarê mijarê de lêgerîn û lêpirsîn didomin.

 Walîtiya Almatiyê jî eşkere kir, di qezayê de 14 rêwiyan jiyana xwe ji dest daye û 30 kes jî birîndar bûne. Walîtiyê herwiha ragihand, heya ku sedema qezayê were diyarkirin hemû firînên kompaniya Bek Airê hatiye rawestandin.

Ji aliyê din ve Reutersê jî ragihand ku di wê qezayê de 14 rêwiyan jiyana xwe ji dest daye û di nava kesên mirî û birîndar de zarok jî hene.

 ‘Dê berpirsyar werin sizadan’

Serokê Dewleta Kazaxistan Kasim Comert Tokayev derbarê miajrê de li ser hesabê xwe yê medya civakî şîroveyek kir û got, “Di çarçoveya hiqûqê de wê berpirsyar werin sizadan.”