Li Kampa Holê 23ê kes bi tohmeta danûstandina bi saneyên DAISê re hatin girtin

PeyamaKurd – Asayîşa Kampa Holê ya Rêveberiya Xweser, li nav Kampa Holê 23ê kes bi tohmeta danûstandina ligel şaneyên DAIŞê li derveyî kampê girtin.

Çavkaniyên ewlekariya Rêveberiya Xweser diyar kirin, Asayîşa Kampa Holê li nav kampê 23ê kes bi tohmeta danûstandina ligel şaneyên DAIŞê li derveyî kampê girtine ku dixwestine êrîş, tundûtîjî û teqînan li navçeyên Rojavayê Kurdistanê bikin.

Herwiha di 1ê Gulanê de jî, Asayîşa Kampa Holê meytê koçberekî Iraqî li nav kampê dîtibû. Li gor Rewangeha Sûrî ya Mafên Mirova, di Nîsana borî de 6 kes ji aliyê şaneyên DAIŞê li nav Kampa Holê hatibûn kuştin.