Li Iraqê hejmara herî zêde ya pêketî û miriyan hat tomarkirin

PeyamaKurd - Wezareta Tenduristîya Iraqê ragihand ku di nav 24 saetên borî de, li seranserê Iraqê û Herêma Kurdistanê 2 hezar 200 kesên din bi vîrusa koronayê ketine û 79 kesan jî can daye.

Ev hejmara tûşbûyan ya herî zêde ye ku li Iraqê di rojekê de tê ragihandin. Herwiha li gorî amarên dawî Hezar û 61 nexweşên koronayê jî baş bûne.

Heta niha li Iraq û Herêma Kurdistanê bi giştî 36 û 702 pêketiyên vîrusa koronayê hatine tomarkirin û hejmara miriyan jî bi tevahî gihîştiye Hezar û 330 kesan.

Li gorî amaran 16,814 kes bi temamî baş bûne û 18,558 kes jî li nexweşxanyan di bin çavdêriya pizîşkî de ne ku 281 kes jî rewşa wan nebaş e.