Li Îdirê ji ber êrişa mêşhingivan 816 mî mirar bûn
Hat hînbûn ku li Îdirê semerek mî ji aliyê mêşhingivan ve rastî êrîşê hat, di encamê de nêzîkî 816 heywan mirar bûn.
RûpelNews - Di xebata ku ji hêla tîmên Rêveberiya Çandinî û Daristanan ve hatî kirin de, hat tespîtkirin ku 816 heywanên piçûk mirarbûne. Piştî temamkirina xebata li herêmê, pezên ku bi ekskavatorên Rêveberiya Taybet a Wîlayeta Îdirê li kamyonan hatine barkirin, di çalên ku li zeviyek vala dûrî wargehan di bin kontrola veterîneran de hatine kolandin de hatine veşartin.
Di bûyera ku di 3ê Gulanê de qewimî de, 4 hezar heywanên piçûk ên ku diçûn deşta di navbera gundê Hakmehmet û gundê Agaver de dema ku ji herêma ku 200 şaneyên mêşan lê bûn derbas dibûn, rastî êrîşa mêşan hatin.
Pez û berxên ku ji tirsan dest bi revê kirin, ketin nav valahiya di bin kanala avdanê de û hevdu tepisandin. Herwiha di êrîşên mêşan de 5 kes jî birîndar bûn.
