Li Hewlêrê êrîşeke dronê hat têkşikandin
Hat ragihandin ku şeva borî derdora saet 22.20an li seranserî asîmanên Hewlêrê dengekî bilind hat bihîstin. Hat eşkerekirin ku pergala parastinê yên hêzên koalîsyonê bi serkeftî êrîşeke dronê ya ku li ser Herêma Kurdistanê hatibû kirin, pûç kirine. Li gorî zanyariyan di êrîşê de tu ziyanên canî çênebûne.
RûpelNews - Rayedaran diyar kirin ku ev ji şeva borî ve hewldana yekane ya dronê ya li dijî herêmê bû. Wekî di hemû êrîşên dronê yên berê de, ev êrişa dronî jî ji aliyê sîstemên parastinê yên koalîsyonê ve hat bêbandorkirin.
Li gorî çavkaniyên ewlehiyê yên li herêmê, êrîşên li ser Herêma Kurdistanê ji aliyê hin komên neqanûnî yên ku xwe wekî "Enîya Berxwedana Îslamî" didin nasîn, di 24 saetên borî de li gorî rojên berê bi awayekî berbiçav kêm bûne. Piraniya êrîşan Hewlêr dikin armanc.
Wezîrê Tenduristiyê yê Herêma Kurdistanê di kongreyeke rojnamegerî de ragihand ku heta niha di encama êrîşên dron û moşekan de 28 kes birîndar bûne.
.jpeg)
