Li Herêma Kurdistanê cara yekem birinca reş û sor hatin hilberandin

RûpelNews - Cotkar Hesen Mele Mistefa li herêma Barzanê bi tovên ku ji Çînê anî reşan ser erd da ku birinca sor û reş hilbirîne. 

Cotkarê kurd piştî bi xîret û xebata xwe ya 3 salan gihişt aramca xwe û bi destê wî yekem car li Herêma Kurdistanê birinca reş û sor hat hilberandin.

Di çandina vê birincê de, ku di Gulanê de hat çandin û di Cotmehê de hat berhevkirin, ti gubreyên çêkirî anku nexwezayî nehatin bikaranîn. Ev birinca ku bi tevahî xwezayî ye, ji bo kesên bi nexweşiya şekir, tansiyona bilind û penceşêrê re wekî 'dermanekî xwezayî' tê pênasekirin.

Armanc hilberîna birinca kesk

Tevî bihayê bilind ê tovî, birincê ku tê hilberandin niha li sûkê her kîlo bi 6 hezar dînar tê firotin. Cotkarê ku berhemên xwe bi rêya medyaya civakî difiroşe, ragihand ku ew amade ye ku tov û piştgiriya teknîkî bide hilberînerên din jî. Armanca wî ew e ku li Herêma Kurdistanê birinca kesk cureyekî ku li Çînê tê çandin biçîne.

Hilberîn zêde dibe

Îsal li Herêma Kurdistanê li ser erdekî ji 20 hezar doniman zêdetir birinc tê çandin û tê payîn ku giştî berhem bigihîje 25 hezar tonan. Bi zêdebûna eleqeyê ji bo berhemên herêmî, tê pêşbînîkirin ku ev cureyên nû dê tevkariyeke girîng li pirrengiya çandiniyê bikin. (K24)