Li gundewarê Dêra Zorê 7 çekdarên DAISê hatin girtin

PeyamaKurd – Li gundewarê Dêra Zorê 7 çekdarên DAIŞê ji aliyê hêzên Asayîşê ve hatin girtin. 

Hêzên Sûriya Demokratîk – HSDê di derbarê mijarê de daxuyaniyek belav kir û diyar kir, hêzên wan bi hevkariya Asayîşê li gundê El-Izbê yê Dêra Zorê 7 çeteyên DAIŞê girtin.

Herwiha HSDê destnîşan kir, çek û belgeyên ku hevkariya wan bi DAIŞê re nîşan dide jî ketin destê hêzên wan.

Herî dawî HSDê piştrast kir ku hêzên wan wê têkoşîna li hember DAIŞê bidomînin û parastina xelkê bikin.