Li Efrînê milîsên girêdayî Tirkiyê nahêlin welatî darên xwe yên zeytûna biçînin

PeyamaKurd - Li Efrîna Rojavayê Kurdistanê, çekdarên milîsên “Ehrar El-Şerqiyê” yên Tirkî û Ixwan Mislimîn li ber kargeha birînê, li ser rêya Efrîn-Raco rêbendek danîn û nahêlin piraniya welatiyan zeytûna biçînin.

Li gor Afrînpostê, armanca astengkirina çinîna zeytûnan, ew e ku demek dirêjtir qezenc bikin, da ku niştedagîr û çekdar bêtir zeytûnên welatiyên Kurd bidizin.

Herwiha hat diyarkirin ku milîsên “Ehrar El-Şerqiyê” roja Sêşemê 20ê Cotmeha 2020an, 30 darên zeytûna li gundê Qude yê navçeya Raco birîn. Darên hatine birîn jî, yên welatiyekî Kurd ku bi darê zorê ji gundê xwe hat koçberkirin, lê navê wî nehat bidestxistin.