Li Efrînê 5 kesên din hatin revandin: Çekdar fîdye dixwazin!

PeyamaKurd – Çekdarên bi ser artêşa Tirkiyê ve ku di Efrîna dagirkirî de hatine bicihkirin, kiryarên xwe berdewam dikin. Komên çekdar bi revandin, dizî, kuştin û talanê xelkê herêma Efrînê neçarî koçberiyê dikin daku demografya herêmê bi temamî bê guhertin.

Herî dawî koma çekdar El-Weqas 5 kes ji gundê Anqelê yê navçeya Şiyê ya Efrînê revandin ku jinek û diya wê jî di nav revandiyan de ne.

Li gorî jêderên herêmê çekdar ji bo berdana wan kesên revandî fîdeyeyê dixwazin.

Navên kesên hatine revandin ev in: Zeîm Silêman Gulê, Sifyan Ekrem Nebo, Norhemîn Hesen Kêlo, Jozfîn Şêxo Hemîd û Mîkaîl Şêxo Hemîd.