Li Dêrazorê HSD û rejîmê ser kir, koalîsyonê bi fuzeyan bersiv da

PeyamaKurd - Rawengeha Mafê Mirovan li Sûriyê (SOHR) ragihand ku li gundê El Husseyinah ê rojavayê Dêrazorê di navbera HSD û hêzên rejîma Sûriyê de şer rû daye û hêzên Hevpeymaniya Navdewletî jî hêzên artêşa Sûriyê kirine armanc û bi fuzeyan li wan dane.

Li gorî SOHRê piştî ku şer û pevçûnên navbera HSD û rejîmê li Dêrazorê dijwar bûne, hêzên Hevppeymaniya Navdewletî ji baregeha xwe ya sehaya gazê ya Konikoyê bi fuzeyan êrîş birine ser hêzên rejîma Esed.

Hat ragihandin ku armanca êrîşa hevpeymaniyê hêzên rejîmê yên li dorûbera kargeha kaxetan a li gundê El Huseyniyah bûye û piştî êrîşa fuzeyan jî tê diyarkirin ku ambulansan birîndar veguhestine.