Li Çemê Dîcleyê de termê kesekî hat dîtin
Li Çemê Dîcleyê li navçeya navendî ya Sûrê ya Amedê termekî kesekî hat dîtin.
RûpelNews - Bûyer li nêzîkî Pira Kebe ya li Taxa Kebeê ya navçeya Sûrê qewimî. Welatiyên ku kesekî bêliv di çem de dîtin, rewş ji Navenda Banga Acil a 112 re ragihandin.
Li ser vê raporê, tîmên polîs, agirkujiyê û bijîşkî sewqî cihê bûyerê hatin kirin. Hat diyarkirin ku kesê ku ji aliyê tîmên agirkujiyê ve ji avê hatibû derxistin, jiyana xwe ji dest daye.
Cesedê kesê ku nasnameya wî nehat zanîn ji bo tespîtkirin û otopsiyê birin morgê.
Tîmên polîsan li ser sedema bûyerê lêpirsîn dane destpêkirin û lêpirsîn berdewam dike.
