Li Bexdayê moseka katyûsa ket û hawînek jî li dîwarê avahiya PDKê ket

PeyamaKurd - Şaneya Ragihandina Ewlekariya Iraqê ragihand ku moşekeke Katyûşa nêzî herêma Kesk a Bexdayê ketiye û hawinek jî li dîwarê avahiya PDKê ya Bexdayê ketiye.

Li gorî daxuyaniyê ew moşek ji leşkergeha Reşîd a başûrê Bexdayê hatiye avêtin. Derbarê ziyanan de, ti agahî nehat ragihandin. Şaneyê da zanîn ku hêzên ewlekariyê li heman cihî moşekeke din jî dîtine ku ji berdanê re amadekirî bû.

Herwiha hatiye diyarkirin ku hawinek li dîwarê navenda PDKê ya li Bexdayê ket, lê ti ziyanên canî nehatin tomarkirin.

Amerîka ji van êrîşan milîsên alîgirên Îranê tawanbar dike ku gelek caran ew êrîş nêzî Balyozxaneya Amerîkî têne kirin.