Li Bangladesê, depoya alavên kîmyewî teqiya: 49 kes bûn qurbanî

PeyamaKurd-Îro li Bangladeşê, di depoyeke kîmyewî de teqînek çêbû û hat ragihandin ku di encama teqînê de herî kêm 49 kesan canên xwe ji dest dane. Hat zanîn ku di vê teqîna mezin de bi sedan kes jî birîndar bûne.

Li bajarê Chittagong yê Bangladeşê, di konteynera ku bi alavên kîmyewî dagirtîbû de teqînek çêbû. Di teqîna ku bû sedemê 49 qurbaniyan de hat zanîn ku ji 300 zêdetir jî birîndar hene. Hat zanîn ku li herêmê, xebatên hawarçûnê berdewam in û di nav kesên ku bûne qurbanî de herî kêm 5 kes jî endamên tîma agirkujiyê ne.

 Heta niha, di derbarê sedema teqînê de agahî nehatine parvekirin.