Li Amedê qeza: Kesek mir, kesek bi giranî birîndar bû
Li navçeya Erxenî ya Amedê, di qezayeke trafîkê ya di navbera motorsîklet û kamyoneteke biçûk de, kesekî jiyana xwe ji dest da û kesekî din jî bi giranî birîndar bû.
RûpelNews - Qeza li herêma Taxa Ahmetliyê ya navçeya Erxanê pêk hat. Motorsîklet û kamyonet bi sedemeke ku hêj nehatiye diyarkirin, li hev dan.
Di encama lêdanê de, her du kesên li ser motorsîkletê avêtin ser rê. Piştî agahdarkirina ji aliyê şahidan ve, tîmên tenduristiyê yên hawarçûnê (112) û hêzên ewlehiyê sewqî cihê bûyerê hatin kirin.
Tîmên bijîşkî piştrast kirin ku kesek miriye. Ajokarê motorsîkletê yê bi giranî birîndar, piştî destwerdana bijîşkî ya destpêkê, bi ambûlansê rakirin nexweşxaneyê.
Cenazeyê kesê mirî ji bo otopsiyê rakirin morga nexweşxaneyê.
Derbarê qezayê de lêpirsîn hat destpêkirin.
