Li Amedê pîrozbahîya Newrozê dest pê kir

RûpelNews - Pîrozbahî li Parka Newrozê ya li navçeya Bağlarê pêk tên. Li herêmê girseya gel dest bi kombûnê kiriye.

Gelek welatiyan cilên gelêrî yên kurdî li xwe kirin û gelek caran ji deverê dirûşme hatin gotin.

Komîteya Amadekar a Newrozê 600 kes ji bo ewlehiya deverê erkdar kir. Parlamenterên DEM Partîyê, endamên meclîsa partiyê û parêzer li her xala ketinê bi cih bûne.

Hatiye plankirin ku Hevserokê DEM Partîyê Tuncer Bakırhan, Serokê Giştî yê Partiya Azadî Ayetullah Aşitî, çalakvana TJA Ayla Akat Ata, Çetin Arkaş û Leyla Zana axaftin bikin.

Peyamên Serokê Herêma Kurdistanê Nêçîrvan Barzani, Serokê Yekîtiya Niştimanî ya Kurdistanê (YNK) Bafil Talabanî û girtiyên siyasî dê werin xwendin. Her wiha tê payîn ku peyamek ji rêberê PKKê Abdullah Öcalan jî were xwendin.

agahî tên...