Li 15 bajaran qedexeya 4 rojan dest pê dike: Ji bo 65 saliyan biryareke nû derket!

PeyamaKurd - Bi sedema rêkarên bo xweparastin û belavbûna vîrusa koronayê li 15 bajarên Tirkiye qedexeya derketina derve û çûnûhatinê ya 4 rojan îşev dest pê dike.

Qedexeya li 15 bajaran îşev 16ê Gulanê li demjimêr 00:00 heta 19ê mehê heman saetê berdewam dike.

Bajarên qedexe hatiye ragihandin ev in: Enqere, Balikesir, Bursa, Eskişehir, Dîlok (Entab), Stenbol, İzmir, Kayseri, Kocaeli, Konya, Manisa, Sakarya, Samsun, Wan û Zonguldak

Herwiha ji bo kesên temenê wan li ser 65 saliyê ne û ji destpêka belavbûna vîrusa koronayê ve derketina derve ji wan re hatibû qedexekirin û piştre tenê rojên Yekşeman 3 saet destûr bo wan hatibû jî biryareke nû hat derxistin.

Li gorî biryara nû ya Wezareta Navxwe ya Tirkiyê, vê hefteyê kesên temenê wan bi ser 65 salan de û kesên nexweşiyên kronîk bi wan re heye, roja Yekşemê ji saet 12ê nîvro heta 6ê êvarî wê bikarin derkevin derve.

Hejmara mirinên ji koronayê gihîşt 4 hezar û 55 kesan